相隔兩、三年無去旅行，飛到外國，任何事都覺得新奇刺激好玩。而事實上，新加坡近兩年的確增加不少景點。講到最刺激，要數一年多前開在聖淘沙的SkyHelix Sentosa。之前在IG看見其十足飛碟一樣的外型，便好想體驗一下。上星期，終於有機會親身實測挑戰。「有無離心力？」「係咪可以喺上面飲嘢？」「可唔可以帶手機上去架？」請在以下內容找答案。
【立即睇】全新 Yahoo Shopping 專頁正式上線，跟貼最新優惠情報！
機票優惠格價平台：
酒店住宿優惠格價平台：
行程及飲食優惠平台：
79米高露天全景旋轉觀景台 容納16人同時升空
位於新加坡聖淘沙的SkyHelix落成大約一年多，但因為過去兩、三年的疫情，較少香港遊客到訪過。最近，我終於有機會再去新加坡，放入必玩清單當中的，當然有SkyHelix。SkyHelix每天早上10點開始「上客」，我9:45am便到達，於觀景台打打卡之餘，也給自己一些心理準備。SkyHelix就像一輛純白色飛碟，又或者拍扁了的熱氣球，下面吊著可以容納16位乘客的圓桌，中間為工作人員站立的平台。觀景台可以升至海拔79米，扣除山丘高度，其實離地35米，約為十二層樓的高度。從下向上看，心裡還想了句：「唔係好高唧！失望！」但十多分鐘之後，我知錯了！
腳揈揈凌空挑戰畏高 10分鐘離地欣賞聖淘沙全景
SkyHelix的門票包一杯飲品，於旁邊的小食店選取飲品後，便可帶上觀景台的圓桌。與其他遊客圍圈式坐好，綁上腰間的安全帶，此刻心情仍然輕鬆。當觀景台緩緩上升，發現雙腳已經離地，整個人處於凌空狀態，即使零離心力，都驚到好想叫媽咪！站在圓桌中間的工作人員講解附近景點，但我一句也聽不入耳，全身尤如釘死於座椅上，但仍頂硬上不斷以手機影相。其實觀景台十分穩陣安全，即使上空有風，座椅也不動如山。只是我畏高，其他遊客也輕鬆自如。大約過了5、6分鐘後，我終於集慣這高度，向遠向近向前向下看，好靚呀！觀景台於高空停留10分鐘，更會360度慢慢旋轉。天色夠清，可以欣賞聖淘沙伸延至Keppel Bay和南部群島的景色，一邊是藍天白雲樹林大海，另一邊則有城市景象，夜景應該也很美！有下次機會仲玩唔玩？玩！
SkyHelix
費用：建議於KKday購買，每位$94包一次乘坐SkyHelix、非酒精飲品一杯及精美紀念品。
地址：41 Imbiah Rd., Sentosa, Sinpapore
電話：+65 6361 0088
開放時間：10am-9:30pm
交通：由新加坡市中心到SkyHelix，可以選擇乘搭新加坡空中纜車到Imbiah Lookout站，又或者搭Sentosa Express到Imbiah Station再步行10分鐘。而我，就從市中心的酒店坐Grab，大約20分鐘便到達，費用約HKD$120。
